利寶閣 (已結業)

同一大班人出去食飯，成日都走去食樓上Cafe，今次諗住試吓新野去食啲中式嘅酒家。奧海城有間利寶閣，之前有朋友喺附近返工話同同事去食幾好食。今次就一於試啦。真係估唔到佢咁好食，呢間酒家嘅價位都叫做中上，但係原來其中一道最出名嘅菜竟然係叉燒飯？咁有趣我哋就要試吓啦。點知真係好好食！真心係我食過最好食嘅叉燒，肉質好林，而且好香叉燒味蜜汁都好夠，我哋全部人食完個叉燒飯都唔夠喉再叫多碟叉燒。另外佛跳牆亦都係另一個招牌菜，湯料十足，有鮑魚又有魚翅又有花膠又有瘦肉等等，實在係大滿足其他餸菜亦都非常印象深刻，例如個魚腐同一般嘅非常唔同，入口即溶，而且非常香滑，煲入面仲有好多白菜仔，非常健康。因為我地太多人，所以仲叫咗好多菜，例如雞、魚紅燒豆腐等等。整體而言對所有食物嘅質素都非常滿意。最後經理仲請我哋食甜品同果盤，服務非常滿意