Lockeroom Express (已結業)

睇食評知道佐敦有間餐廳叫Lockeroom Express，成間餐廳佈置都充滿足球風格好有氣氛。呢度有多套足球衣旗幟相片等display，大人小朋友無論鍾唔鍾意足球都會被吸引住。我哋今次order咗波士頓龍蝦半隻配鮮蕃茄汁蝴蝶粉、全日早餐、凱撒沙律、橘子白朱古力蛋芝士蛋糕、鮮水果紅茶及檸檬雜飲。再設自助區，一大煲蔬菜湯任飲。波士頓龍蝦超新鮮而且龍蝦膏又多，焗出嚟嘅味道一流，配上煙韌蝴蝶粉仲有田園茄汁，食到停唔到口。凱撒沙律就超有refresh嘅感覺，因為啲蔬菜好新鮮。全日早餐就有3.6牛乳炒蛋、脆煙豬腩片、炒椰菌、德國腸、茄汁燴豆，每一樣嘢都高水準之作，炒蛋夠滑，野菌夠香，德國腸同埋脆煙豬腩片就啱曬食肉獸嘅我。橘子白朱古力蛋芝士蛋糕，賣相一流，芝士味香，絕對值得一試。水果紅茶入面有各類滿滿嘅水果，檸檬雜飲酸酸甜甜，亦都有生果粒喺入面。呢餐食到好滿足。