養心殿台式養生鍋 (已搬遷) 新店位置

之前食過早已念念不忘想再黎食，除左配料足料，仲要比其它火鍋店更新鮮更好味，唔係Hea你個種，仲要裝修到環境古式古香， 別有一番滋味。 今次終於有機會帶爸媽一齊黎食，食完兩老都表示相當滿意，因佢地唔食辣，所以只係點左美人鍋。呢個鍋有成隻烏雞，仲要有大量對皮膚好嘅桃膠食，味道唔會話好藥材味，咸咸地似老火湯嘅感覺，屋企人食過養心鍋，就覺得美人鍋偏向淡味啲，養心鍋會多左人參味，更香濃。今次多人食配菜可以叫到好多樣，而特別推介老油條、萵筍、梅花豬、響鈴、魚皮餃同芝士牛肉丸。