刀鋒寶貝 (已結業)

今日去黃大仙辦點事後肚子提我係時候食嘢喇! 途經鳳凰邨這間小店於是入去食個麵。店舖小小雖然只有十幾個位，但店舖簡潔整齊，感覺已十分討好！意外地招待的姐姐笑面迎人，態度非常親切，感覺好像回家食飯一樣！看過點餐紙後，選擇不算好多，只是一張點餐紙的種類，最後我選了店舖推介的海鮮喇沙麵，再加小食蒜香牛𦟌牛筋！跟餐一杯柚子茶！原本對於小點並沒有很大期望，目的都係醫醫肚！怎料食物真係有所驚喜！首先來的海鮮喇沙麵看賣相已經吸引！未食已經聞到很香的椰汁味! 一食湯底非常濃郁，而且非常厚身，一定是很用心熬製！麵底夠彈牙！果然是有水準之作！唯一如果可以辣d就仲惹味！之後上的蒜香牛𦟌牛筋更加令我興奮！不但份糧夠多而且上面舖上厚厚的蒜茸！嘩！真係差唔多滿瀉！一入口當然蒜味非常特出！牛𦟌很有牛肉味，而牛筋也很爽滑！真係非常好食！食到我唔停口。呢間小店其貌不揚！原來係隱世美食店！十分推介！