Dark Leaf Cafe & Lounge

营业中

休息中

同朋友係旺角行街，佢話之前食過呢間餐廳唔錯，就上去食吓。墨西哥玉米脆片玉米脆片有烘熱，食落好脆，份量比想像中多，表面嘅芝士醬好好味，再配埋蔬菜粒食好夾。除此之外，仲可以點伴碟嘅紅醬同白醬，兩種唔同口味都唔錯。蒜香大蝦帶子 明太子意粉擺碟非常精美，開邊蒜香大蝦食落好新鮮，而原粒帶子亦係煎得啱啱好，意粉配埋明太子食，非常美味。澳洲M2和牛肉眼 香草意粉肉眼扒煎得恰到好處，切開都見到係肉汁豐富，食落果然係澳洲M2和牛嘅質素。而香草意粉亦都煮得非常出色，個汁調味好易入口，整體非常高質。Lemon Fruit Cocktail & Pink Rose Buds Tea我同朋友飲品都係熱茶，Lemon Fruit Cocktail清香撲鼻，飲落清淡但帶住檸檬香，而Pink Rose Buds Tea就比較香濃，視乎個人口味，茶嘅份量都好大壼，結果我同朋友都飲唔晒。餐廳食物高質，座位舒適，環境寧靜，非常適合想同朋友傾計嘅人，有興趣嘅朋友可以去。