WM Café & Bar (雅濤居購物商場)

营业中

休息中

星期六假期去咗馬鞍山 WM cafe & bar食lunch，環境寬敞而且睇得出係有心機嘅裝修同佈置，令我覺得好舒服，lunch set叫咗香煎豬柳拼檸檬海鹽烤雞跟意粉，同埋全天候早餐跟牛油多士，飲品叫咗特色凍朱古力同埋橙汁。豬柳就煎得超香超多肉汁，估唔到檸檬海鹽烤雞個味道可以咁夾，少少鹹少少酸加埋雞肉烤味，絕對可以再encore再食，個全天候早餐超豐富，入面有黑松露炒蛋、煙肉、豬肉腸、烤蕃茄、茄汁焗豆、蘑菇、粟米、同埋沙律菜，材料食品都超新鮮而且擺盤好有心機，絕對係打卡之選。而另外兩杯飲品都整得好靚，如果下次有機會黎，我會再試埋佢嘅晚餐。