上村牧場 (已結業)

高質薩摩牛任食 捧着肚皮回家的一夜～～～最近公司發咗年終花紅，終於可以去慶祝一番。最後就揀選咗嚟依間位於銅鑼灣嘅人氣新開燒肉店放肆一下🍖。～～～呢間黎自日本嘅過江龍龍🐉，一登陸香港就引黎好大回響，見到IG好多人去食，搞到自己都急不及待。～～～佢哋送餐係用特急車，非常特別。食物選擇非常之多，薩摩牛油花驚人，入口啖啖牛脂極濃郁。🐮～～～除咗牛之外，以下呢d食物，亦都令我覺得非常高質。例如有非常滑溜，好正麻油味嘅蛋花湯，仲有粉綿粉綿的牛油蕃薯燒、軟軟糯糯的明太子芝士年糕，清新和風菠菜，濃郁豬味嘅北海道產豚里肌肉等等，仲有各式嘅壽司，質素全部都好有驚喜。🍣不得不說，食物材料用得好，其實根本唔需要太複雜嘅調味，簡單燒一燒就已經好好食。～～～甜品方面，個人最愛方型迷你蛋糕焦糖蘋果批，好香甜鬆軟，配咖啡一定好正。雲呢拿迷你忌廉泡芙就的的骰骰一啖一粒，亦都係必食款式。🍰🥧🧁～～～食完之後最後仲會送上一杯haagen dazs，令人捧着肚皮萬分滿足地回家。整體黎講，呢個食物質素，價錢算合理，值得一試。🍦～～～上村牧場 (銅鑼灣)銅鑼灣勿地臣街1號時代廣場B2樓B213-214號舖