影片
更多
2022-05-16
1029 浏览
位於逸東酒店嘅普慶自助餐可以話係近幾年嘅人氣之選, 評價極高. 價錢的確唔算貴, 週末晚餐$700左右一位, 而且食物種類極多, CP值確係幾高.裝修方面餐廳行懷舊港式風, 食物放喺類似大排檔嘅攤位, 分佈哂成間餐廳比人攞, 同其他自助餐個style好唔同, 幾特別.由於野食實在太多, 我無食lunch都試唔哂啲野, 所以重點評下好多人關心嗰幾樣啦！✅海鮮: 凍海鮮好多選擇, 龍蝦, 蝦, 面包蟹, 生蠔, 翡翠螺, 青口, 小龍蝦…應用盡有. 因應疫情關係所有海鮮都係有專人幫你夾, 上碟連冰上, 保持新鮮. 我每樣都試左, 質素非常唔錯, 生蠔好厚肉, 不過偏淡身. 龍蝦大隻多膏, 啖啖肉. 值得推介嘅係蝦同小龍蝦! 非常新鮮, 多膏爽口, 忍唔住要翻食👍🏻👍🏻👍🏻唯一可惜嘅係全部海鮮都解凍不足, 如果可以解耐啲先serve就好.✅日本station: 一定要食即炸天婦羅!!!👍🏻👍🏻👍🏻所有天婦羅都係即炸, 有蝦, 蠔, 蕃薯, 魚, 冬菇等等, 全部都炸得啱啱好, 好好味! 而且有好多款鹽同醬汁選擇, 難怪長期都有人排隊. 刺身都係大路野, 帶子, 呑拿, 三文, 油甘, 蝦,
裝修方面餐廳行懷舊港式風, 食物放喺類似大排檔嘅攤位, 分佈哂成間餐廳比人攞, 同其他自助餐個style好唔同, 幾特別.
由於野食實在太多, 我無食lunch都試唔哂啲野, 所以重點評下好多人關心嗰幾樣啦！
✅海鮮: 凍海鮮好多選擇, 龍蝦, 蝦, 面包蟹, 生蠔, 翡翠螺, 青口, 小龍蝦…應用盡有. 因應疫情關係所有海鮮都係有專人幫你夾, 上碟連冰上, 保持新鮮. 我每樣都試左, 質素非常唔錯, 生蠔好厚肉, 不過偏淡身. 龍蝦大隻多膏, 啖啖肉. 值得推介嘅係蝦同小龍蝦! 非常新鮮, 多膏爽口, 忍唔住要翻食👍🏻👍🏻👍🏻
唯一可惜嘅係全部海鮮都解凍不足, 如果可以解耐啲先serve就好.
✅日本station: 一定要食即炸天婦羅!!!👍🏻👍🏻👍🏻所有天婦羅都係即炸, 有蝦, 蠔, 蕃薯, 魚, 冬菇等等, 全部都炸得啱啱好, 好好味! 而且有好多款鹽同醬汁選擇, 難怪長期都有人排隊. 刺身都係大路野, 帶子, 呑拿, 三文, 油甘, 蝦, 北寄貝都有, 全部正常發揮.
✅西式: 即切和牛扒同羊架必試! 入面爆哂肉汁, 超級juicy, 拍得住扒房水準👍🏻👍🏻
✅中式: 限時供應(得一隻)嘅片皮鴨非常高質, 個皮十分鬆脆! 可惜只食到一舊就無哂, 強烈建議要早啲去排!!! 另外招牌海南雞飯都可以一試, 雞十分嫩滑, 飯好香雞油味. 其他燒味就麻麻地
✅東南亞station: 無乜點食, 不過見到有咖哩, 泰式燒烤, 即煮湯面等等, 賣相都唔錯
✅ 甜品: 可以算係比較失式嘅一部分, 選擇唔算多, 得幾款蛋糕同奶凍. 好多都係比較啱小朋友食嘅朱古力, 曲奇同冬甩. 雪糕係movenpick, 有專人serve, 味道好多👍🏻仲有即制窩夫無就無試到啦
Overall用餐體驗非常好, 食物refill速度快, 種類選擇應該算全港數一數二. 佢無邊一樣係特別超好食不過勝在平均水準高, 所以好適合一家大細有唔同口味嘅黎食. 這個價錢確係輕鬆回本, 難怪長期都咁full!
私心評分
食物質素 ⭐️⭐️⭐️⭐️💫
性價比 ⭐️⭐️⭐️⭐️⭐️
63 浏览
0 赞好
0 留言
张贴
