影片
更多
2020-11-14
98 浏览
同屋企人提起廚師發板，我爸話未食過，叫我帶佢去試下lunch，仲話請我食呀哈哈! 於是我就悉心挑選啦，揀咗呢間叫 豐 嘅喺尖沙咀嘅日本餐廳，午飯時間都有廚師發板叫。當日，我哋叫咗最貴嘅廚師發板套餐780蚊，再加200蚊升級至和牛，嚟一餐豪華嘅日式午餐! 首先嚟嘅係甘醋水蛸海帶， 同埋茶碗蒸。師傅話水蛸即係章魚 ，肉質幾結實爽口， 帶有少少彈性，味道唔錯。茶碗蒸嘅蛋超滑，整體係清清地，有冬菇雞肉等配料。下一道就係三款刺身先食鱆紅魚， 肉質較軟身， 味道鮮甜。師傅建議點酸汁食，又真係好夾喎。然後到降霜鰤魚， 魚味濃， 有少少爽口， 比較突出，我個人十分喜歡。之後係大拖羅，淨係一望就知道係超肥美! 接近入口即溶，食完齒頰留香，真係要慢慢食，合埋眼享受，真係非常令人回味，個香味久久不散。我同爸爸都好滿意。再嚟兩款刺身白子 及 鮟康魚肝， 師傅話係北海道時令。鮟康魚肝，比平時食嘅輕盈和軟身，食完兩件都唔會覺得滯。白子，質地滑嫩，充滿水份，味道清清地，平時比較少食到呢樣嘢，感覺幾特別。食完刺身到熟食啦! 就係我哋升咗級嘅汁燒宮崎A4和牛! 和牛粒上嘅係炸蔥絲，底下有洋蔥，個汁係用脂肪制嘅。 每一粒
於是我就悉心挑選啦，揀咗呢間叫 豐 嘅喺尖沙咀嘅日本餐廳，午飯時間都有廚師發板叫。
當日，我哋叫咗最貴嘅廚師發板套餐780蚊，再加200蚊升級至和牛，嚟一餐豪華嘅日式午餐!
首先嚟嘅係甘醋水蛸海帶， 同埋茶碗蒸。
師傅話水蛸即係章魚 ，肉質幾結實爽口， 帶有少少彈性，味道唔錯。
茶碗蒸嘅蛋超滑，整體係清清地，有冬菇雞肉等配料。
下一道就係三款刺身
先食鱆紅魚， 肉質較軟身， 味道鮮甜。師傅建議點酸汁食，又真係好夾喎。
然後到降霜鰤魚， 魚味濃， 有少少爽口， 比較突出，我個人十分喜歡。
之後係大拖羅，淨係一望就知道係超肥美! 接近入口即溶，食完齒頰留香，真係要慢慢食，合埋眼享受，真係非常令人回味，個香味久久不散。我同爸爸都好滿意。
再嚟兩款刺身
白子 及 鮟康魚肝， 師傅話係北海道時令。
鮟康魚肝，比平時食嘅輕盈和軟身，食完兩件都唔會覺得滯。
白子，質地滑嫩，充滿水份，味道清清地，平時比較少食到呢樣嘢，感覺幾特別。
食完刺身到熟食啦! 就係我哋升咗級嘅汁燒宮崎A4和牛!
和牛粒上嘅係炸蔥絲，底下有洋蔥，個汁係用脂肪制嘅。 每一粒都外脆內軟，煮得啱啱好，牛味香濃，連個汁亦都超正，同和牛好夾。記住唔好浪費咗啲炸蔥絲呀，連埋和牛粒一齊食好正㗎，呢個組合好特別。
食完熟食 到五件壽司啦。
第一件係 銀鱈魚 刺身grade，肉質有啲結實爽口 ，魚嘅味道幾香。
第二件好開心係 大拖羅， 因為我自己本身好鍾意食 拖羅!
又係勁肥美， 接近入口即溶呀， 估唔到又可以再度回味美味嘅拖羅。
第三件係 赤身，魚味濃郁，大大件啖啖肉。
第四件係 鯖魚，鹹鹹地又帶少許鯖魚經常都會有嗰種酸味，有個卷物食下都唔錯。
最後一件係海膽，清甜，冇腥味，係好嘢嚟! 好開心今餐遇到海膽，因為唔係每次廚師發板都一定有㗎，要睇 啲貨靚唔靚，如果海膽唔靚，師傅就唔會入貨㗎喇。
臨近尾聲飲返碗麵豉湯。中和一下味蕾先。
最後係甜品，我要咗冧酒提子雪糕，微微酒味，粒粒提子，牛奶味香，口感幼滑。 為今餐劃上完美嘅句號。
我同爸爸都好滿意呢餐廚師發板! 食材新鮮，師傅有禮貌，廚藝刀功都好好，地方舒適整潔，推薦!
另外，餐廳而家做梗優惠啊，午餐晚餐都有㗎。
张贴
