功夫點心 (已結業)

之前去過油麻地分店食過一次，食物質素相當高，所以再去呢間既尖沙咀分店食過。果然，食物無令我失望。一開始來既係煎糯米雞。熱辣辣有香噴噴。糯米雞上有D焦，令到糯米雞更加好食。可惜既係糯米雞入面既料唔多，只有少少肉，但都唔錯。北京水餃既上湯係辣既湯，好彩味道唔算太濃，恰到好處。餃子既數量都幾多，好似有8隻。20幾蚊有甘多算抵食啦！酥皮叉燒包係每次必食既點心。包上既酥皮夠甜夠香，叉燒包內既料都好足。新鮮出爐，正！