唐人館 (海港城) (已結業)

一直都知道唐人館價格不菲，如果晚市散叫的話，閒閒地最少都要200幾300蚊一碟。所以晚市嘅點心放題收費加一後，都係400幾，簡直係窮人嘅福音我地總共4個人，因為係星期日夜晚先來，以防萬一要等位，我地一早已經book左，所以8pm就直入唔洗等位啦～一入到餐廳就覺得周圍嘅環境真係好華麗，有d宮廷feel，廢話少講，快d order先！我地專登留翻個肚，食盡佢d點心由於實在太豐富，食左好多野，我選左最鍾意嘅3款寫出來。首先第一位係迷你波羅包，成個包熱辣辣，個波羅皮又脆卜卜，一啖一個，我地total食左3碟，因為實在太好食啦！第二位就係芋泥燉奶，身為一個芋頭控，我覺得d芋泥好真材實料，聞落個味唔係好人工嘅香精味，燉奶都好滑，甜度適中，不過食一碗已經有d飽同漏，差d食唔到其他野！之後第三位就係麻辣牛肉，麻辣味好香，麻同辣各佔一半，唔會好似出面某d餐廳咁，得個辣字無曬麻味總括來講，食物質素幾好，選擇又多，下次可以再來