黑樺牛 (已結業)

屋企人好鍾意食牛肉，聽朋友介紹吓，就嚟到位於尖沙咀黑樺牛，這裏環境寬敞，坐得幾舒服。坐低之後，我們就用QR code落單，餐牌上有好多種類的和牛部位，我哋每樣點一碟試下👍服務員先為我們捧上一點海鮮，裏面有生蠔、扇貝和大蝦🍤生蠔-生蠔蒸熟後打開殼，蠔肉脹卜卜，每一啖都充滿鮮味，超好食！扇貝-扇貝好厚肉，好清甜👍海蝦-大約蒸了十分鐘左右，好鮮甜蝦頭仲有蟹膏🤤食完蒸海鮮之後職員在捧上湯底👍北海道豆乳玫瑰芝士鍋，鍋中間有朵冰玫瑰賣相好靚，芝士味道香濃湯底呈奶白色，味道不錯。和牛有玉子後腰肉、牛前胸、牛小排、特上霜降小排、上肩胛肉、肩胛梅花、牛頸脊等，每一款的口感都好獨特，色澤好紅潤，紋理清晰，全部都屬於高質素，味道一流🤤日本佐賀梅花肉，每一塊切得好薄，淥一淥入口已經好鮮嫩👍響鈴/魚皮炸得香脆，用嚟打邊爐一流👍飲品方面，基本的汽水都好齊全，特別最鍾意飲佢哋嘅冷泡茶，解油膩一流👍甜品特別推介楊枝甘露冰，入口酸酸，甜甜好開胃，正😋