影片
更多
2016-10-24
1375 浏览
今次呢間係銅鑼灣新開嘅米走雞Deluxe，淨係聽個名都覺得值得一去，餐廳地址係渣甸坊，喺銅鑼灣地鐵站出好快就會行到，成棟大廈好多間餐廳，但係唔多而且慢，都要等好耐先上到去。但係上到去見到個環境，就覺得排咁耐隊等係值得嘅。餐廳入面大部分都係卡位，坐得舒服，而且冷氣好大，就算坐滿曬人都唔會覺得熱同焗，如果去食嘅話一定要帶多件外套，冷氣真心大。餐牌上面選擇有好多，而且價錢對比起其他分店嘅差別唔大，食物一樣係高質素嘅。黃金芝士雞煲 $188泥到芝士雞煲專門店，當然要試下佢出哂名嘅黃金芝士雞煲，侍應送雞煲上泥嘅時候話雞煲入面有兩種芝士，而我地用肉眼都好明顯見到有兩種芝士，深黃色嗰種就係車打芝士啦，最令人感動嘅係，就算個煲滾緊，啲芝士都唔會燶底，完全無蝕咗嘅感覺😂夾起舊雞肉嘅時候，芝士拉到起絲個視覺效果好正，食落雞肉肉質唔老又好滑，覺得油膩嘅時候夾啲洋蔥碎泥食會舒緩小小油膩感，而且我覺得一開始洋蔥仲硬硬地嘅時候比較有口感，食落爽口，去到最後淋哂已經無咁好食。手切新鮮牛頸脊(大) $298牛肉嘅脂肪分佈得好平均，好似雪花咁，平時打邊爐食肥牛覺得太多肥，呢隻牛頸脊完全無呢種感覺，牛肉無雪到過硬，所
今次呢間係銅鑼灣新開嘅米走雞Deluxe，淨係聽個名都覺得值得一去，餐廳地址係渣甸坊，喺銅鑼灣地鐵站出好快就會行到，成棟大廈好多間餐廳，但係唔多而且慢，都要等好耐先上到去。但係上到去見到個環境，就覺得排咁耐隊等係值得嘅。餐廳入面大部分都係卡位，坐得舒服，而且冷氣好大，就算坐滿曬人都唔會覺得熱同焗，如果去食嘅話一定要帶多件外套，冷氣真心大。餐牌上面選擇有好多，而且價錢對比起其他分店嘅差別唔大，食物一樣係高質素嘅。
黃金芝士雞煲 $188
泥到芝士雞煲專門店，當然要試下佢出哂名嘅黃金芝士雞煲，侍應送雞煲上泥嘅時候話雞煲入面有兩種芝士，而我地用肉眼都好明顯見到有兩種芝士，深黃色嗰種就係車打芝士啦，最令人感動嘅係，就算個煲滾緊，啲芝士都唔會燶底，完全無蝕咗嘅感覺😂夾起舊雞肉嘅時候，芝士拉到起絲個視覺效果好正，食落雞肉肉質唔老又好滑，覺得油膩嘅時候夾啲洋蔥碎泥食會舒緩小小油膩感，而且我覺得一開始洋蔥仲硬硬地嘅時候比較有口感，食落爽口，去到最後淋哂已經無咁好食。手切新鮮牛頸脊(大) $298
牛肉嘅脂肪分佈得好平均，好似雪花咁，平時打邊爐食肥牛覺得太多肥，呢隻牛頸脊完全無呢種感覺，牛肉無雪到過硬，所以好易夾起亦唔會夾爛，薄薄嘅一片好快熟。黑松露蟹子魚面 $138
自己親自唧落煲入面，自由控制魚面嘅長度都幾好玩，其實魚面本身已經有小小黑松露嘅味道，熟左之後 點小小黑松露同蟹子，入口後充滿左濃烈嘅黑松露味，仲有一粒粒蟹子，食落好有口感。鮮炸響鈴 $48
呢到嘅響鈴好大條，比起平時食嘅大一倍，吸收左更加多嘅芝士湯底，咬落去個時濃濃嘅芝士味，不過真係要小心熱。翡翠苗(半) $18
雞脾菇 $28
鮮製韮菜餃$78
手打鮮牛丸 $48 花膠$88
平均每人食左300蚊唔洗，覺得有高質素嘅食物同環境係滿意嘅。张贴
