蟹仙海鮮蒸氣鍋 (仁愛街) (已結業)

喜歡食蟹的同事，自從在新蒲崗蟹仙海鮮蒸氣鍋食過越南頂角膏蟹，常常讚口不絕，説蟹仙老闆是蟹批發商，每日入口都會先選最好的蟹留自己舖用，所以才可以有這頂級的膏蟹。我也很喜歡食蟹，今日佢就帶我去試下。食店地方雖然不大，座位也不會太迫，每枱都有一個蒸鍋，去到已經客滿，侍應正忙著為客人蒸海鮮，同事食慣一早就訂左枱，又訂埋海鮮套餐，老闆就會預留給我們。蟹仙主打2款蟹，有越南頂角膏蟹和罕有大黃奄蟹，店家會問二選一，我們喜歡前者，因為蟹膏比較實。新鮮生猛的頂角膏蟹都好大隻，蟹膏比蟹肉還要多，澳洲龍蝦雖然開了邊，身體還在輕微郁動。套餐海鮮還有：纽西蘭大蟶子、泰國海中蝦、翡翠九孔鮑、深海龍躉片，日本大元貝、韓國慶南蠔。老闆說餐單上的海鮮會因當天新鮮度和供應量决定，所以有機會調整，但都是最新鮮的海鮮。期待已久的膏蟹已經蒸熟，陣陣蟹香氣撲鼻，蟹膏爆多到跌出來，鮮甜甘香，真係好難買到甘好質素嘅蟹，蟹蚶又啖啖肉，好鮮味，真的是滋味無窮。野生瀨尿蝦王，好大隻啊！肉質鮮甜美味，老闆說因為是野生，所以比普通的瀨尿蝦鮮甜。龍蝦叫青年龍蝦，因為吾大吾細，肉質鮮嫩，不會靭，鮑魚、蟶子、都鮮味彈牙，龍躉片嫩滑，蠔肉飽滿冇腥味！