逸 壽司 (已結業)

今日同朋友行尖沙咀，行到肚餓就去咗食「逸壽司」。我就叫咗份特上壽司盛（$238），入面沙律菜、麵豉湯，可以一次過嘆到十件唔同既壽司，分別係吞拿魚腩、深海池魚、油甘魚、真鯛、火炙金線鯛、池魚、牡丹蝦、帶子、海膽及三文魚籽。首先係沙律配埋芝麻醬，食落好開胃。每款魚食得出好新鮮，配合埋啲飯軟硬適中，真係好出色。其中最愛係吞拿魚腩壽司真係好足料，塊吞拿魚魚腩好大塊，食落好香油脂同好有吞拿魚味。三文魚籽壽司真係食到滿口三文魚籽，爆開果吓仲好juicy，好重魚油甘香。海膽壽司真係不能不提，大大舊海膽係面，味道好濃，令人舊忘。其他壽司亦都不錯，喜歡食壽司既朋友值得一試。