影片
更多
2019-07-01
867 浏览
今日同我男朋友，去呢間嘢到打邊爐，先講環境，門口有個好好笑容嘅帶位姐姐，好熱情咁招呼我哋，唔會見我哋人少就黑面，更加唔會問多兩句就走左去，入到去光線充足，地方闊落，座位舒服，裝修亦唔差，絕對比對面嗰間book枱去到話冇枱，落雨要坐門口嘅“某店“好得多。呢間食物質素極高，咩叫海鮮？黎呢間就可以食到高質素超鮮甜海鮮，唔似其他地方死左仲要收客人正價賣比人食，點解咁肯定？因為呢間有哂玻璃魚缸，更可以比客人行過去慢慢睇，全程有店員教你點簡好嘢，本來想點多啲海鮮，但店員話：“食完先，唔夠再叫，點左擺喺到會對海鮮質素有影響，因為有個爐喺到，會令海鮮受熱影食物質素。“憑以上對話，已經足夠證明好多嘢，再講怕比人話我hard sell。打邊爐點可以冇肥牛？牛肉色水極好，輕輕一熨，入口牛味極濃而且滑，脂肪分布 均勻得會有假像以為係AA+和牛，食落更似食緊和牛，就連某間出名牛肉放題啲牛都冇呢間咁好，手打丸肉質新鮮入口彈牙，貴咁又點？叫左幾轉，因為真係好好食，呢間先稱得上良心食店。不論環境、服務、食物、舒適，都比對面兩間“所謂雞煲火鍋“好得多，食過就知有真係幾大分別，尤其服務質素，呢間啲員工真係好扺贊唔止勤力仲
呢間食物質素極高，咩叫海鮮？黎呢間就可以食到高質素超鮮甜海鮮，唔似其他地方死左仲要收客人正價賣比人食，點解咁肯定？因為呢間有哂玻璃魚缸，更可以比客人行過去慢慢睇，全程有店員教你點簡好嘢，本來想點多啲海鮮，但店員話：“食完先，唔夠再叫，點左擺喺到會對海鮮質素有影響，因為有個爐喺到，會令海鮮受熱影食物質素。“
憑以上對話，已經足夠證明好多嘢，再講怕比人話我hard sell。
打邊爐點可以冇肥牛？牛肉色水極好，輕輕一熨，入口牛味極濃而且滑，脂肪分布 均勻得會有假像以為係AA+和牛，食落更似食緊和牛，就連某間出名牛肉放題啲牛都冇呢間咁好，手打丸肉質新鮮入口彈牙，貴咁又點？叫左幾轉，因為真係好好食，呢間先稱得上良心食店。
不論環境、服務、食物、舒適，都比對面兩間“所謂雞煲火鍋“好得多，食過就知有真係幾大分別，尤其服務質素，呢間啲員工真係好扺贊唔止勤力仲要有問即答，而且非常友善，見到客人舉手唔會扮睇唔到，食哂呢間前後左右大約10幾間，呢間絕對係返轉頭首選。
呢間嘢實在有個地方必須贊，門口唔會堆放垃圾山，門口位更冇一陣極度惡臭嘅酸味，因為好多有賣海鮮嘅地方，都好鍾意喺門口倒鹹水，行過已經唔想入去食，尤其係對面兩間“碌泳車“同“糗聞“，前者門口長年濕滑，門口堆放垃圾似座山，後者坐門口嘅人又吐痰又亂彈煙頭，烏煙瘴氣，行過都要閉氣，食完唔疴當你贏，幫你埋單又點話吖！
呢間嘢個名改得好扺佢哋撈得＜ 風生水起 ＞長做長有！
张贴
