茶東西

营业中

休息中

見呢間早餐成日都有啲人氣，好彩今日夠早，同屋企人過咗嚟等咗一陣間就有位🤩早餐種類來講都算多✨香濃沙嗲牛肉麵沙嗲牛肉嘅份量都幾多，食得出啲牛肉唔會比啲梳打粉醃到爛晒，仲保持返牛肉應有嘅質感同埋味道！而且沙嗲都算幾香濃，食得出有花生味，就算成碗湯飲晒都唔覺得口渴！✨美國薄西冷牛扒、配炒蛋火腿茄汁豆以早餐牛扒來講算高質素，唔算有好多筋而且夠晒大塊！✨他他醬汁吉列魚柳配炒蛋火腿茄汁豆、奶油豬仔包😎😎😎😎魚柳好大塊，而且好彩炸得唔燶！好慶幸要咗奶油脆豬！因為真係超外脆內軟，同埋個包種好煙銀！✨蛋牛治餐廳用咗厚身嘅麵包，不過麵包都幾軟熟！成個蛋牛治超級厚，不過如果可以落多啲免治牛肉就仲會更加香！👍👍👍全部餐都會跟埋火腿炒蛋，份量都超級多！好似炒蛋山😂😂😂而且非常有蛋香同埋好嫩🥳🥳