影片
更多
2022-10-17
63 浏览
繼續朋友生日瘋狂食嘢系列☺️120分鐘燒肉放題！餐廳感覺好乾淨，座位闊落，採用QR code自助形式落單。唔使自己行嚟行去攞嘢食，非常方便！一坐低店員就攞咗頭盤俾我哋。非常之欣賞頭盤嘅碟仔，個碟好靚✨ 入面有極品牛小排、牛頸脊、帆立貝、牛舌等等，總有一款啱食。牛小排係最好食😋細細片，油脂分布平均而且質感軟身，唔會好難咬。牛胸腹肉味比較濃✨ 牛肋條個醬汁好入味，味道好食，但係有啲大件有啲難咬。豬肉方面都好吸引，泡菜豚角燒真係好正，豬肉再加上一大堆泡菜，泡菜燒熱後勁香口，辣辣地好好食。值得一題係芝士雞肉，雞肉燒熟點上香滑芝士醬✨✨✨大推海鮮方面都好豐富，有我鍾意嘅香草牛油蝦仁勁大隻又爽口，仲有青口、蠔肉、墨魚片、多春魚等等都好飽美，海鮮來講乾淨得來又大件，唔錯唔錯。好鍾意呢度有得電子落單選擇自己鍾意嘅調味料，好少見嘅月見汁、芝士醬、牛油、蒜片😎差唔多講得出都有，非常之豐富。甜品方面有我好鍾意嘅椰汁西米糕🧡芝士蛋糕、泡芙等等，每人仲有一個movenpick~大滿足。📍 本場 (旺角)旺角彌敦道628號瓊華中心16樓
餐廳感覺好乾淨，座位闊落，採用QR code自助形式落單。唔使自己行嚟行去攞嘢食，非常方便！一坐低店員就攞咗頭盤俾我哋。非常之欣賞頭盤嘅碟仔，個碟好靚✨ 入面有極品牛小排、牛頸脊、帆立貝、牛舌等等，總有一款啱食。
牛小排係最好食😋細細片，油脂分布平均而且質感軟身，唔會好難咬。牛胸腹肉味比較濃✨ 牛肋條個醬汁好入味，味道好食，但係有啲大件有啲難咬。豬肉方面都好吸引，泡菜豚角燒真係好正，豬肉再加上一大堆泡菜，泡菜燒熱後勁香口，辣辣地好好食。值得一題係芝士雞肉，雞肉燒熟點上香滑芝士醬✨✨✨大推
海鮮方面都好豐富，有我鍾意嘅香草牛油蝦仁勁大隻又爽口，仲有青口、蠔肉、墨魚片、多春魚等等都好飽美，海鮮來講乾淨得來又大件，唔錯唔錯。好鍾意呢度有得電子落單選擇自己鍾意嘅調味料，好少見嘅月見汁、芝士醬、牛油、蒜片😎差唔多講得出都有，非常之豐富。
甜品方面有我好鍾意嘅椰汁西米糕🧡芝士蛋糕、泡芙等等，每人仲有一個movenpick~大滿足。
📍 本場 (旺角)
旺角彌敦道628號瓊華中心16樓
张贴
