影片
更多
2018-08-31
247 浏览
朋友之前食過呢間餐廳,一直都好有好感,所以今次約係旺角食飯，就帶我去試下,地點好就腳,落天橋轉彎就到。餐廳係18樓,上到去門口放咗一排酒樽同花嘅擺設!好有特色!餐廳環境好靚~令人好放鬆!坐低見到檯面已經擺好曬餐牌,侍應又有主動幫忙倒水. 未開始食都已經好開心!叫咗個熱門推薦嘅煙三文魚沙律.一上檯見到擺得好靚,好有心思,當然要相機先食影完一輪相,終於可以食啦! 三文魚份量好多, 基本每食一啖都食到煙三文魚! 煙三文魚味道好好,配d好新鮮嘅沙律菜,好開胃,呢個菜最特別係有合桃同提子干,好新奇嘅配撘之餘味道又好夾,係一個值得推薦嘅前菜!因為我好想食burger嘅關係,就叫咗個House burger試下,呢個包係有跟薯條,而且薯條份量一啲都唔少,絕對抵食! 講返個包,個漢堡扒煎得岩岩好,表面有少少脆,入面一咬好juicy., 加埋個醬好好味,連埋半溶嘅芝士,正到爆!仲有薯條上檯熱辣辣,一定係即叫即炸先有呢個味道,絕對要嗌呢個漢堡包食!朋友叫左個法國活藍青口香檳忌廉汁意粉, 忌廉味好濃好滑,每條意粉都沾滿忌廉汁,而且煮嘅時間恰到好處, 意粉口感有啲Q彈!青口食得出好新鮮,份量又唔少!兩個人sh
餐廳係18樓,上到去門口放咗一排酒樽同花嘅擺設!好有特色!餐廳環境好靚~
令人好放鬆!坐低見到檯面已經擺好曬餐牌,侍應又有主動幫忙倒水. 未開始食都已經好開心!
叫咗個熱門推薦嘅煙三文魚沙律.一上檯見到擺得好靚,好有心思,當然要相機先食
影完一輪相,終於可以食啦! 三文魚份量好多, 基本每食一啖都食到煙三文魚! 煙三文魚味道好好,配d好新鮮嘅沙律菜,好開胃,呢個菜最特別係有合桃同提子干,好新奇嘅配撘之餘味道又好夾,係一個值得推薦嘅前菜!
因為我好想食burger嘅關係,就叫咗個House burger試下,呢個包係有跟薯條,而且薯條份量一啲都唔少,絕對抵食! 講返個包,個漢堡扒煎得岩岩好,表面有少少脆,入面一咬好juicy., 加埋個醬好好味,連埋半溶嘅芝士,正到爆!仲有薯條上檯熱辣辣,一定係即叫即炸先有呢個味道,絕對要嗌呢個漢堡包食!
朋友叫左個法國活藍青口香檳忌廉汁意粉, 忌廉味好濃好滑,每條意粉都沾滿忌廉汁,而且煮嘅時間恰到好處, 意粉口感有啲Q彈!青口食得出好新鮮,份量又唔少!兩個人share食,自己同朋友都好中意!
最後仲叫埋甜品食添, 叫左呢個Ruby Peach,整得好靚!個桃同擺設都好有心思,拿拿淋影低po上網呃like先啦!切開入面有流心桃味嘅醬汁,酸酸甜甜,好香甜桃味，過癮又好好味!
张贴
