秋田浜燒食堂

营业中

休息中

同朋友二人來到這間浜燒，地點較為隱世，但係座位舒適，店員服務亦都10分周到。你開始嘅時候仲有一個夾蝦遊戲，一隻手夾到幾多隻赤蝦就會可以整返嚟食，我哋一共夾到八隻，四隻刺身，四隻燒熟嚟食。刺身鮮甜美味，燒咗之後香味四溢爽口彈牙。甘味浜燒二人前 $498位一嚟就係個刺身先上，刺身新鮮，有四款唔同嘅刺身。三文魚厚切，食得過癮。海鮮勁新鮮，鮑魚仲會郁吓郁吓，帆立貝大隻過手掌。店員會喺旁邊為你燒，一啲都唔怕自己唔識整燒過火。鮑魚燒得剛剛好爽口彈牙。帆立貝有啲似半熟嘅質感，加上一啲海草同牛油，感覺清新。不能不提嘅當然就是甲羅燒，蟹膏蟹肉分量超多，麵包根本唔夠用，剩返嗰啲用嚟一口一口食好滿足。四百幾蚊一位，真的物超所值。下次會帶朋友再嚟食。