Trois Cafe (已結業)

平時去開嘅Cafe多數靚都係用嚟打卡，食物質素都一般既。但係呢間Cafe真係令我大開眼界，環境靚之餘嘢食都仲要好特別。卡邦尼意粉，佢嘅分量幾好，適合女仔，而且佢嘅汁係比較多，佢嘅白汁配搭埋煙肉真係好香，上面仲放咗好多芝士碎添，啱晒鍾意食芝士嘅我，而且仲有火箭菜，一個意粉入邊有埋蔬菜食好幸福。之後我見到餐牌有一個好特別嘅名，他的蟹粉小籠包，小籠包個皮係好薄，入邊係好多肉汁，小籠包嘅上面係有黑松露，所以食落好香口。再配搭上忌廉蘑菇汁，真係錦上添花，口感一流。