麻神麻辣火鍋 (已結業)

最近天氣時冷時熱，我同班朋友如常食火鍋，呢間幾好質素，特別要嚟介紹一下。呢間係台灣傳嚟香港嘅出名麻辣火鍋店，叫麻神。應該都吾少人都會識，已經可以係銅鑼灣搵到佢啦。先嚟左個鴛鴦鍋先，麻辣個邊超正當然吾洗講，又香又麻又帶點辣，好正，另一邊嘅湯都好好飲，我係食到太辣時再煮一下另一邊嘅，可以中和一下吧，哈哈。食物都好多揀，我地嗌左牛肉，丸類，海蝦，菜丫，餃子，同不得不嗌嘅鴨血啊，好香麻香辣，另外都喜歡佢嘅質感，比較結實的，入口咬左又好濃味，好厲害，應該係全香港得佢有得食啦。另外牛肉都好推介，新鮮得嚟又香牛味，入口嫩滑，浸落麻辣湯底，真係人間美食丫，價錢重要吾貴，食到靚牛嘅質素，真心物有所值丫。大概每人都是幾百蚊，嗌左勁多野食，同每樣都好正，冇一樣令我失望，質素好高，價錢合理，服務都好，會再帶朋友嚟食。