和牛燒肉一郎 (新都城中心二期) (已結業)

📍和牛燒肉一郎講起日式燒肉放題，呢一間都可以算係一分錢一分貨嘅代表，全部牛都係日本直送到港，唔使全部好熟都可以安全食用，仲有刺身牛食，餐廳會寫低牛隻嘅編號方便追蹤，食得放心又開心呀～👅 特選牛25種類 $448呢個套餐120分鐘，任食野包括牛肉刺身3款，日本豚肉6款 ，豚肉8款，雞肉4款，海鮮8款，野菜10款仲有另外38款既小食等等～出面仲有甜品，爆谷，飲品同埋日本雪條～既然係和牛燒肉，今次想重點推介特選牛里脊肉，極上厚切牛舌，特上牛舌棒同牛肉刺身，落單時仲可以配埋日本蛋上！本身套餐會上左架船同一盤比你，大概係集中左餐廳想你試既食品。所有牛都係好靚，色澤，脂肪分佈，香味都好出色，入口可以做到即溶感覺，唔會韌，牛舌亦好爽口。特別想一提既係店員非常nice，好主動留意到食客需要，會教我地邊一款大概燒幾耐，仲會落手幫我地燒，呢個超值得一讚👍🏻店員仲推介左我地試牛肉刺身，今次係第一次食，完全唔會有怪味（我本身自己都好驚），仲出奇地好食！豚肉同雞肉正常發揮，比一般都好食，仲有海鮮，包括廣島蠔，另外野菜可以叫生菜包肉食，唔會咁滯，特別想推介佢哋嘅牛油雜菌🫶🏻呢一餐真係超滿足，食肉獸既大家得閒放縱下