高麗軒韓國餐廳

营业中

休息中

今晚同老公去北角探姑媽，之後一齊去咗高麗軒韓國餐廳食韓燒，姑媽話呢間好味又抵食，全部任飲任食都係一個價錢，叫我哋試吓！餐廳地方都好大，地方整潔冇油煙，座位以卡座為主，坐得舒服。食物方面都好新鮮，處理得乾淨衛生。加38蚊可升級任食帆立貝、帶子、羊架。每樣食一次都抵啦！何況係任食！尤其係羊架，已經用香草等調味料醃好，燒出嚟肉質鮮嫩又入味。肉眼扒、肉眼扒、牛肋骨肉，牛肉不宜燒得耐，比較喜歡醃過嘅肉，食落係特別入味。黑毛豬腩、豬肉、辣汁五花腩，醃過嘅豬肉和辣嘅五花腩比較惹味！其他還有青口、魚柳、秋刀魚、鮮魷魚、雞翼、雞肉、雞肉腸等，食物方面選擇都好多！另外還有熟食選擇，海鮮煎餅煎得香脆可口，蛋包魚外脆肉嫩，人參雞湯好香參味。雪糕、飲品係自助。任飲任食。