漫花燈火OMG (已結業)

同同事嚟到《漫花燈火OMG》食午餐，餐廳喺土瓜灣瑧尚U PLACE 2樓。環境非常舒服，餐廳充滿色彩，令人胃口都好啲啊，而且食物好有水準，絕對值得推薦🥗羽衣甘藍金奇異果藍莓橙百香果啫喱沙律配蜜糖柚子醋我見每一台都有一份呢個沙律，沙律又靚又可以自己配搭材料，唔怪之得咁多人叫啦！沙律嘅陣容非常強大，有金奇異果🥝藍莓🫐橙🍊百香果啫喱，呢啲生果全部都好鍾意食，而且仲有我最鍾意嘅羽衣甘藍，完全係為我而設㗎！🦐🍞法式大頭蝦占米多超級惹味嘅大頭蝦占米多，蝦肉鮮甜爽口再配埋特製嘅醬汁，creamy 又滋味，而且份量唔少㗎，真係食得好滋味！🐷慢煮比利時杜洛克橄欖豬鞍伴脆甜番薯條大大件豬鞍扒，香料味十足，豬鞍扒肉質柔軟，油脂豐富，陪伴碟嘅醬汁一齊食非常好味。香脆嘅番薯條亦都好吸引我，脆又甜好滋味！🍹荔枝樹上的彩虹🌈荔枝樹上的彩虹真係好靚呀！濃郁香甜嘅荔枝汁，加咗好多種顏色嘅爆珠，睇落去非常靚！飲落去飲到荔枝汁又飲到爆珠，爆珠係口到爆開口感好刺激！