影片
更多
2023-05-28
1456 浏览
又到左食好西嘅日子，今日就犀利啦，嚟咗一間轉系食和牛嘅日式燒肉。佢個環境都幾舒適，會唔會好迫，最重要係完全冇油煙味，如果多人嘅話仲可以book房添。首先，我哋叫咗個季節刺身盛合，佢會有五款季節性嘅刺身，每一款都好鮮甜，不過職員就冇介紹佢哋係乜嘢魚，但我淨係知道款款都好好食。另外仲叫咗個小食係香辣雞翼，識落辣辣哋，唔會炸到乾淨淨，都幾惹味架。喺入正題，之前講埋個主食先，煲仔飯就食得多，但係和牛煲仔飯就第一次食，上咗枱之後見到個飯面鋪滿和牛，再加隻蛋，見到都已經好滿足。佢啲飯焦更加係拍得住深水埗出名嘅煲仔飯，完全係結合左港式嘅傳統同埋日式嘅精緻。喺燒之前，職員會比一舊牛脂肪你，等你可以燒一燒個網面，唔好嘥咗你啲靚和牛，搞到癡晒底。除咗和牛之外，佢呢度仲有其他嘅肉類，我哋試咗佢個雞心同埋雞頸肉，跟住叫咗一隻扇貝。佢個扇貝都好厚身，都洗得好乾淨，食到人哋舔舔脷。雞心嘅話，要趁熱食，如果唔係凍咗就有啲腥。但係我自己最鍾意嘅係佢個雞頸肉，呢個位置夠晒爽口，好特別。終於入正題，和牛方便我哋揀咗個特選和牛盛合，佢會有五個唔同嘅部位俾你，分別有牛肋肉，牛肩胛，牛肋條，友三角，同埋厚切牛舌。見到啲圖片都知
佢個環境都幾舒適，會唔會好迫，最重要係完全冇油煙味，如果多人嘅話仲可以book房添。
首先，我哋叫咗個季節刺身盛合，佢會有五款季節性嘅刺身，每一款都好鮮甜，不過職員就冇介紹佢哋係乜嘢魚，但我淨係知道款款都好好食。
另外仲叫咗個小食係香辣雞翼，識落辣辣哋，唔會炸到乾淨淨，都幾惹味架。
喺入正題，之前講埋個主食先，煲仔飯就食得多，但係和牛煲仔飯就第一次食，上咗枱之後見到個飯面鋪滿和牛，再加隻蛋，見到都已經好滿足。佢啲飯焦更加係拍得住深水埗出名嘅煲仔飯，完全係結合左港式嘅傳統同埋日式嘅精緻。
喺燒之前，職員會比一舊牛脂肪你，等你可以燒一燒個網面，唔好嘥咗你啲靚和牛，搞到癡晒底。
除咗和牛之外，佢呢度仲有其他嘅肉類，我哋試咗佢個雞心同埋雞頸肉，跟住叫咗一隻扇貝。佢個扇貝都好厚身，都洗得好乾淨，食到人哋舔舔脷。
雞心嘅話，要趁熱食，如果唔係凍咗就有啲腥。但係我自己最鍾意嘅係佢個雞頸肉，呢個位置夠晒爽口，好特別。
終於入正題，和牛方便我哋揀咗個特選和牛盛合，佢會有五個唔同嘅部位俾你，分別有牛肋肉，牛肩胛，牛肋條，友三角，同埋厚切牛舌。見到啲圖片都知道佢嘅油脂分布係幾咁完美，而當中油脂份量最多嘅係友三角，基本上佢係脂肪比較多，但係咬落去又唔會係林pat pat嘅油膏咁，反而係爽口嘅。
而最少嘅油脂係牛肋肉，但都已經係入口即溶嘅級別。
而佢個厚切牛舌真係超級厚，睇到佢個橫切面都真係幾震撼。
因為夠晒厚，所以廚師都好細心咁幫你雕咗花，所以燒完出嚟個視覺效果都幾靚㗎。
食咗咁多肉類，你都咪話唔滯，所以最後我哋叫咗個柚子雪糕做甜品，雪糕入邊會有新鮮嘅柚子皮，所以成件事食完之後消晒滯，又滿足。
张贴
