雅苑餐廳 (豐利中心)

营业中

休息中

被歸類為頹飯既粟米肉粒飯一直係我至愛。雖然間間茶餐廳都有，但好食既真係小之有小。可能市場定位係頹飯，令到餐廳有錯覺，覺得客人叫左預左伏，由頹飯變左cap水魚飯。所以近依十年都無特登點，差不多價錢，50幾蚊個寧願有塊扒食咬下或者炒粉麵，蝕極都有野落肚。因為伏既粟米肉粒飯，就算好肚餓，食兩啖都唔會想食—肉粒鞋，切得一舊大一舊細、汁似水、預著飯底乾身真係gg.但依間煮得好有heart. 肉粒鬆軟，有d餐廳真係肉片當肉粒，比人感覺係食淨肉撈埋當係。個汁就較中式，我覺得可以調濃d. 我較喜歡忌簾，但依個都唔差。可能廚師本身都鍾意食，所以下午茶有依個飯點。有用心煮既粟米肉粒飯買少見少，依間大家可以放心一試。