影片
更多
2019-12-22
4316 浏览
立食香港開得愈嚟愈多，要搵到間好嘅都唔係咁容易，所以通常都係聽朋友試過先再自己親身去食。今次朋友介紹咗尖沙咀呢間新開嘅立食壽司店，我同鐘意食壽司嘅朋友仔就一齊去試下佢。當日七點前已經到咗，所以都唔需要點排隊，入到去即刻有得食。我地散叫咗唔同嘅壽司，呢度除咗散叫，其實都有得揀Omakase，價錢亦都唔貴，壽司盛係$298，而刺身盛就係$398，不過基於我地好多款都好想食，所以都係散叫咗。師傅會係你面前即整壽司，第一份嚟到嘅係有中吞拿魚腩($40件)、間八魚($18件)、金目鯛($38件)同山葵八爪魚壽司($12件)，所有嘅魚生味道都非常鮮甜，飯唔會太大份迫你飽，而當中最鐘意嘅就係吞拿魚腩，入口即溶，非常好食。而下一份就有海膽($58件)、三文魚籽($28件)、芝士蟹籽($15件)、帆立貝($18件)同牡丹蝦壽司($42件)，海膽呢度有得揀韓國海膽同北海道海膽，但我諗住食就食最好，所以都係食北海道個隻，食落去海膽好甘甜，而三文魚籽都好鮮，好好食。呢轉本身只有朋友叫咗牡丹蝦壽司，但佢食完後話真係好正，叫我一定要叫。第三轉就有鰻魚($15件)、炙燒左口魚裙邊($25件)同炙燒三文魚腩壽司($2
當日七點前已經到咗，所以都唔需要點排隊，入到去即刻有得食。
我地散叫咗唔同嘅壽司，呢度除咗散叫，其實都有得揀Omakase，價錢亦都唔貴，壽司盛係$298，而刺身盛就係$398，不過基於我地好多款都好想食，所以都係散叫咗。
師傅會係你面前即整壽司，第一份嚟到嘅係有中吞拿魚腩($40件)、間八魚($18件)、金目鯛($38件)同山葵八爪魚壽司($12件)，所有嘅魚生味道都非常鮮甜，飯唔會太大份迫你飽，而當中最鐘意嘅就係吞拿魚腩，入口即溶，非常好食。
而下一份就有海膽($58件)、三文魚籽($28件)、芝士蟹籽($15件)、帆立貝($18件)同牡丹蝦壽司($42件)，海膽呢度有得揀韓國海膽同北海道海膽，但我諗住食就食最好，所以都係食北海道個隻，食落去海膽好甘甜，而三文魚籽都好鮮，好好食。呢轉本身只有朋友叫咗牡丹蝦壽司，但佢食完後話真係好正，叫我一定要叫。
第三轉就有鰻魚($15件)、炙燒左口魚裙邊($25件)同炙燒三文魚腩壽司($20件)。
最尾再加咗朋友話一定要食嘅牡丹蝦、仲有池魚同當時嘅時令魚，牡丹蝦真係非常甜，又係有入口即溶嘅感覺，而其他都超新鮮！
呢間立食壽司店價錢唔算太貴，而基本上每款都好好食，好值得再嚟！
张贴
