火鳳凰火鍋料理 (已結業)

朋友本身係旺角返工，平時晏晝都有去開呢間餐廳飲茶，今次佢話帶我黎試下夜晚打邊爐。餐廳環境寬敞，即使張枱放滿食物都唔會覺得好擠迫，坐得好舒服。晚市有幾款特價套餐，我地揀左套餐E 「佳選牛大哥」，另外再加養生鍋底同埋配料。鍋底揀左鮮椰子紅棗滋補清遠雞鍋(半隻），雞同湯底係分開上，睇得出好足料。店員建議先飲咗個湯底，之後先至再加其他火鍋料，個湯底飲落好清甜，好好味，忍唔住飲咗兩碗先開始打邊爐。牛大哥上枱時忍唔住驚嘆一番，好大隻牛，岩晒我地兩個食肉獸。入面包左3個牛部位，包括美國封門柳、安格斯牛肩胛、高級牛板腱。封門柳食落最有牛味，牛板腱食落就最滑嫩，各有千秋，各款牛質素都唔錯。手工炸跳舞響鈴，店員話就咁食都得，食落好脆口，打邊爐咁淥一淥再食亦都唔錯，索晒啲湯底。手打四寶丸，食落好彈牙，好高質，特別推介黑松露墨魚丸，唔係度度食到。鮮蝦雲吞，食落去啖啖蝦，好足料。稻庭烏冬餐廳無論食物同環境都好滿意，CP值高，絕對值得下次再黎encore。