神石燒牛扒水產專門店 (淘大商場1期) (已結業)

夜晚8點半左右去食，好多人排隊，今次揀咗 IBP牛膈肌，因為好肚餓所以直接要300g.白飯、沙律、湯同埋醬汁都係自己嚟，但出去拎野記住戴返口罩我揀咗柚子醋，清迎柚香帶微酸，可以有肋消化，當時全場爆滿，但由入坐計，2分鐘都唔使已經有得拎野食，一開始牛肉當然好生，要自己烹調到適合嘅熟度，我大概等到5成熟就開餐，肉質好腍，無乜筋，用刀好輕鬆就可以將佢切開，食落肉味好濃，口感偏軟滑，油脂感相對較少，加上日本米香嘅襯托，真係令人食慾大增，300g嘅份量完全唔會覺得太多，最後仲要食咗兩碗飯，確實係好滿足嘅一餐。