食日式放題既次數應該3隻手指都數到
今年老公生日 小朋友又開始大（起碼好多嘢都啱食）
所以就決定咗去食日式放題
首先當然叫咗刺身食個頭盤先
我哋叫咗三文魚帆立貝甜蝦赤背
全部都好新鮮
甜蝦不停encore再encore
一定唔係冰鮮左好耐個啲 好鮮甜
三文魚係我鍾意食嘅又唔太肥又唔會係中間有血個啲 好好食
除咗刺身之外，仲有好多熟食揀
例如鐵板海蝦，蒸鮑魚，燒生蠔及扇貝
全部都係即叫即整👍🏻
飲品款式都好多，有酒精同冇酒精嘅都好多選擇
當然仲有甜品供應
可能我真係太耐無食放題
估唔到而家食放題可以食到咁高質😅
食完之後老公話好抵食喎
下次同埋啲朋友再黎☺️
