。一去到勁多人，香港人真係放題上癮
去到老馬識塗，即刻點了刺身先。仲有辣味螺肉，我自己清空成碟
老公叫左choya梅酒，佢應該飲左4杯左右。我就像韓國蜜桃汁，亦是外面比較難飲到。
主食方面叫左好多，而且每一樣都好好味。
燒牛舌，好爽口，加了點鹽，而且即燒，上碟時仲係熱。燒菠蘿，好甜，一口size,唔會食到好麻煩
芝士年榚，穩陣之作但最令我驚喜的是炸蕃薯球，外層薄，內包了黃蕃薯及紫薯，食到最單純的甜香。
天婦羅，粉薄，炸得剛剛好，內裡的主角不會乾身，最愛天婦羅蟹柳
仲有大量助酒小食，其中最推介牛油帶子及墨魚咀，可惜冇影到
甜品有任拎的糯米糍及雀巢雪糕，當中較特別的是有榴槤味糯米糍
成餐飯見到d服務員走場走得好急，清枱清得好快，但都冇黑面，而且價錢公道，會再幫襯
下次可以再多些人一起來，可以食蒸海鮮
1
