Pancake 專門紗織 (已結業)

真係高手🧑🏻‍🍳在民間，路過見到一間pancake店，見到有好多唔同pancake嘅款式就入去試吓，睇落可以打卡好靚🌸之餘，而且價錢唔算係好貴。春雪。初開$128 🌸一個充滿詩情畫意🌌嘅名，由我睇到甜品嘅一刻就知道名嘅由來，一開始pancake係有一層膠邊圍住，當日拉開條膠邊，就恍如春雪初開，有溶雪嘅感覺❄️，將成班戟淹沒左，上面原本用紅莓果醬畫好咗嘅散開左，就好似開咗嘅花一樣🌸，成個畫面好靚。甜品師好細膩，成個轉換嘅過程由一開始到最後都係咁靚。淨係睇到都已經唔捨得食啦，至於味道方面，Pancake嘅質感軟綿綿，濃郁嘅蛋香，上邊有士多啤梨🍓點綴，配搭埋軟滑嘅忌廉，口感👄非常好