影片
更多
2023-12-12
14 浏览
今晚去左尖沙咀搵日本野食，拉麵、壽司呢d食得多，居酒屋都間中食，但純串燒就好似冇咩喺香港食過餐廳裝潢日式，可以坐係bar枱嘆席前料理未上串燒就先上調味盤。一個調味盤有齊哂：一味、七味、山椒粉同埋咖哩、檸檬、柚子、抹茶四款鹽。選擇眾多，除左適合各人口味，仲可以自己調配自己最鍾意既味，未食就已經十分期待。前菜，係烤鱈魚乾。鱈魚乾燒到乾身，脆卜卜好似餅咁，但係係一塊塊好香鱈魚味既餅。沾埋沙律醬，口感味道更加豐富。第一串既串燒係雞頸肉。拆出黎既雞肉比想像中多。肉質冇得彈，集juicy、嫩滑同爽彈於一身。調味岩岩好，比雞髀肉緊緻，但有保留到唔少肉汁。雞心（右）雞心呢個部位，細個果陣屋企人整白切雞都食唔少，果個爽彈既肌肉口感，係其他部位唔會有既獨有口感。佢地既雞心都比食開既大舊，而且切開黎燒都唔會乾。雞尾（左）呢個部位就真係第一次食。佢地既雞尾每舊都只係細細一舊，油脂既部分佔多，所以預左會比雞肉香。而且燒得夠脆口，除左燒走左多餘既油脂，亦都令口感酥脆。簡單調味燒烤加上自己再揀鹽沾，完全冇食到騷味或者唔好食既味，係值得一試既部位。雞腳筋呢個部位都好特別。與其話係第一次食，不如話係之前都冇諗過要特別食
今晚去左尖沙咀搵日本野食，拉麵、壽司呢d食得多，居酒屋都間中食，但純串燒就好似冇咩喺香港食過
餐廳裝潢日式，可以坐係bar枱嘆席前料理
未上串燒就先上調味盤。一個調味盤有齊哂：一味、七味、山椒粉同埋咖哩、檸檬、柚子、抹茶四款鹽。選擇眾多，除左適合各人口味，仲可以自己調配自己最鍾意既味，未食就已經十分期待。
前菜，係烤鱈魚乾。鱈魚乾燒到乾身，脆卜卜好似餅咁，但係係一塊塊好香鱈魚味既餅。沾埋沙律醬，口感味道更加豐富。
第一串既串燒係雞頸肉。拆出黎既雞肉比想像中多。肉質冇得彈，集juicy、嫩滑同爽彈於一身。調味岩岩好，比雞髀肉緊緻，但有保留到唔少肉汁。
雞心（右）
雞心呢個部位，細個果陣屋企人整白切雞都食唔少，果個爽彈既肌肉口感，係其他部位唔會有既獨有口感。佢地既雞心都比食開既大舊，而且切開黎燒都唔會乾。
雞尾（左）呢個部位就真係第一次食。佢地既雞尾每舊都只係細細一舊，油脂既部分佔多，所以預左會比雞肉香。而且燒得夠脆口，除左燒走左多餘既油脂，亦都令口感酥脆。簡單調味燒烤加上自己再揀鹽沾，完全冇食到騷味或者唔好食既味，係值得一試既部位。
雞腳筋
呢個部位都好特別。與其話係第一次食，不如話係之前都冇諗過要特別食呢個部位，或者可能係食雞腳果陣已經食過，只係唔係呢個口感。佢哋嘅雞腳筋除咗有筋嘅位仲有中間有條骨，雖然條骨係咬唔爛，但係燒過嘅雞腳更口感煙煙韌韌係一個幾特別嘅部位。加上店家調味同自己揀黎沾既鹽，我相信呢款串燒拎黎送酒都唔錯。
鰹魚碎秋葵
秋葵燒完有燒烤嘅香味之餘，亦都帶出到蔬菜燒過嘅甜味。秋葵本身帶黏嘅口感再配上店家嘅醬汁同埋上面唔少嘅鰹魚碎，口感同味道都唔錯👍🏻👍🏻
糯米雞肉丸
呢一款係好出色既一款串燒。雞肉丸，除咗有免治肉，亦都有雞軟骨喺入面。如果係就咁嘅雞肉丸都係經典嘅日式串燒款，但包咗糯米就完全唔同哂。無論係冇燒脆到既糯米帶黎既軟糯口感，定係燒脆左既糯米帶黎酥脆既口感，再包住埋帶雞軟骨既雞肉丸，口感冇得彈。味道除咗有店家既調味之外，亦都帶有少少糯米嘅香味。係一度似日式同東南亞菜式fusion既串燒，係令人任印象深刻嘅一款。
水牛芝士煙肉捲
煙肉厚身，包住既水牛芝士亦都唔少，味道鹹香，送酒一流。水牛芝士本身都係軟身既芝士，再燒到熔熔地，有煙肉既肉質之餘，又有Creamy既內餡。店家亦都另外用$1細細塊嘅紫蘇葉包住水牛芝士，未必接受到紫蘇葉既人，我諗可以同師傅講聲，但我就覺得咁樣食落又香d又冇咁膩。
唐辛子
都係日式串燒蔬菜既經典款，岩哂唔怕椒味，唔怕草青味既人。唔怕辣反而冇關係，因為係唔辣既。除左椒既香味同埋清新既野菜香，比起秋葵，燒完既唐辛子，甜味更加突出，refreshing。
烤飯團
烤飯團做結尾亦都係日式串燒或者居酒屋既定番。店家既烤飯團唔係白飯加醬汁，係先用飯素調味，掃醬汁再烤，再用一大塊紫菜包住。原本就咁燒，已經夠惹味，宜家色香味都更加豐富。
最後既甜品係抹茶蕨餅。用呢道經典甜品埋尾確實唔錯。比起雪糕呢d又甜又奶既野，食完串燒，都係想要d解膩既野。蕨餅煙韌，抹茶粉少少苦，解膩perfect。
张贴
