影片
更多
2023-11-12
57 浏览
每次嚟銅鑼灣經過登龍街，都成日留意到呢間裝修獨特嘅韓式燒肉，門面用上懷舊嘅裝修，特別吸睛～裏面有卡位同圓枱，座位之間都幾闊落，坐得都算舒服。外面有自助蔬菜吧，可以自己拎生菜🥬同埋各款泡菜，然後根據自己口味，可以點佢哋嘅牛肉拼盤或者豬肉拼盤，或者散叫肉類，佢哋嘅肉類特別高質，包蔬菜食真係一流🤤！另外，仲有爐邊蛋，有兩隻口味：泡菜同芝士，兩款都好好食，仲可以無限追加，一定夠飽！------------------------------🥓◖喜來烤肉◗ $160每次嚟都一定食呢款，薄切卷成一朵花咁，已經事先用醬料醃過嚟，燒出嚟更加香，有淡淡嘅甜味，就咁點少少香草鹽，好香好食！🥩◖牛護心肉◗ $158事先切好一片片，肉片比較厚，油香相對上比較重，燒到出嚟外層焦脆，口感都唔錯，呢款牛味特別濃郁，比較適合點佢哋嘅燒汁，甜甜地更加帶出牛嘅肉味！🍙◖蟹籽紫菜飯團◗ $50俾咗一對膠手套，客人可以親自落手落腳去呃食一個個飯團球，有得食又好玩～飯團混合紫菜同麻油，食落超香，加上蛋黃醬同蟹籽，更添風味！有一個隱藏食法，可以拎個啲飯團波波去燒，燒到外面有一層飯焦，食落更香脆！🍤◖海鮮蔥餅◗ $90一份
------------------------------
🥓◖喜來烤肉◗ $160
每次嚟都一定食呢款，薄切卷成一朵花咁，已經事先用醬料醃過嚟，燒出嚟更加香，有淡淡嘅甜味，就咁點少少香草鹽，好香好食！
🥩◖牛護心肉◗ $158
事先切好一片片，肉片比較厚，油香相對上比較重，燒到出嚟外層焦脆，口感都唔錯，呢款牛味特別濃郁，比較適合點佢哋嘅燒汁，甜甜地更加帶出牛嘅肉味！
🍙◖蟹籽紫菜飯團◗ $50
俾咗一對膠手套，客人可以親自落手落腳去呃食一個個飯團球，有得食又好玩～飯團混合紫菜同麻油，食落超香，加上蛋黃醬同蟹籽，更添風味！有一個隱藏食法，可以拎個啲飯團波波去燒，燒到外面有一層飯焦，食落更香脆！
🍤◖海鮮蔥餅◗ $90
一份可以分成四片，都幾足料有幾多海鮮，可以點上佢酸酸地嘅醬汁食，特別開胃！但覺得佢個底落咗太多雞蛋，煎出嚟略嫌未夠香脆～
🌟 Encore指數：9/10
张贴
