Hero's Friday (已結業)

Hero's Friday 位處工廠區，舖仔細細，剩係做外賣。所有漢堡包即叫即製，確保新鮮，最吸引嘅當然係招牌菜 “英雄漢堡”，個包成座山咁高😮，齋睇 menu 張相都覺得好震撼，不過幫襯當日唔係太肚餓，所以最後 order 咗個芝士漢堡套餐。睇住店員喺我面前煎漢堡扒，塊扒發出吱吱聲，香噴噴，其實好治癒😙。由於唔係即刻進食，當我打開包裝紙嘅時候，盜汗水令到個包表面有少少濕同腍，略為影響口感，不過入面既餡料就非常高質，特別係塊漢堡扒，既有牛味，又充滿肉汁，絕對襯得起 menu 上嗰句 “100% 美國頂級純牛肉手工漢堡”。