影片
更多
2019-08-23
345 浏览
星期五嘅夜晚去咗食扒，我哋早去未洗排隊就可以入座，但係之後就好多人排隊，所以都唔可以坐好耐食完就走。呢間餐廳好高質，都幾好食，難怪咁多人排隊。Black Jack Flat Iron Steak $238，首先店員會介紹餐廳有咩食，每款有咩特別，我哋最終食咗flat iron steak，被評為全隻牛第二嫰滑，食落口唔會覺得太韌或者太淋，口感非常好，就係嫰滑嘅感覺，牛扒有咖啡汁燒過，仲有蜜桃伴碟加咗一啲甜味。薯條係任食嘅，幼身嘅薯條，有啲黑松露嘅味道，店員會夾落你隻碟度，都幾搞笑嘅互動。Ultimate burger $160，食完牛扒其實都有飽肚嘅感覺，好彩另一個我哋叫左漢堡，個包係有甜味嘅，裏面有漢堡扒、洋蔥同蕃茄，仲會有一張紙俾你包住食，好方便，伴碟有沙律，呢個漢堡好好食。冷壓蘋果伯爵茶 $35，係樽裝嘅，有新鮮蘋果味，伯爵茶都好出，蘋果加伯爵茶兩隻味分別都會飲到，都好夾唔會好怪。檸檬特飲 $45， 呢個係店嘅signature，朋友揀咗，檸檬唔算太酸都幾好飲。甜品係芒果熱情果撻$48，二人份量，好特別，平時好少會食芒果熱情果，好開胃，就算食到好飽都食得落，唔會覺得好滯，好清新嘅
Black Jack Flat Iron Steak $238，首先店員會介紹餐廳有咩食，每款有咩特別，我哋最終食咗flat iron steak，被評為全隻牛第二嫰滑，食落口唔會覺得太韌或者太淋，口感非常好，就係嫰滑嘅感覺，牛扒有咖啡汁燒過，仲有蜜桃伴碟加咗一啲甜味。薯條係任食嘅，幼身嘅薯條，有啲黑松露嘅味道，店員會夾落你隻碟度，都幾搞笑嘅互動。
Ultimate burger $160，食完牛扒其實都有飽肚嘅感覺，好彩另一個我哋叫左漢堡，個包係有甜味嘅，裏面有漢堡扒、洋蔥同蕃茄，仲會有一張紙俾你包住食，好方便，伴碟有沙律，呢個漢堡好好食。
冷壓蘋果伯爵茶 $35，係樽裝嘅，有新鮮蘋果味，伯爵茶都好出，蘋果加伯爵茶兩隻味分別都會飲到，都好夾唔會好怪。檸檬特飲 $45， 呢個係店嘅signature，朋友揀咗，檸檬唔算太酸都幾好飲。
甜品係芒果熱情果撻$48，二人份量，好特別，平時好少會食芒果熱情果，好開胃，就算食到好飽都食得落，唔會覺得好滯，好清新嘅感覺，不錯。
张贴
