影片
更多
2022-05-30
40 浏览
食盡旺角之爐端燒 — 長阪燒—————————————————————今日早收工，約左呀媽去旺角行下街順便食個晚飯🤗 佢就話想食日本野，搵搵下就係朗豪坊附近見到左長阪燒既招牌，佢唔係位於地鋪，所以都幾隱世但其實又好方便，一於試下啦！嘩，上到去真係俾佢個裝修驚豔左，好似帶左我番日本咁🤯吧台位仲可以見到好多當日新鮮日本直送既食材，d魚大條到呢，見到師傅真係會直接拎黎整壽司刺身，正！ 😛 🔸 Oyster Set 4隻 $118成日話要食左生既野先食熟野，咁我地就首先叫左4隻生蠔過下癮先，隻隻都好fresh，有海水味又大隻！🔸 伊佐目壽司 x2 $48🔸 柚子真鯛壽司 x2 $38🔸 北寄貝壽司 x2 $48🔸 胺康魚肝壽司 x2 $48食完生蠔就食壽司，我發現呢間野既壽司都幾抵食而且質素都好好🥳伊佐目壽司同胺康魚肝壽司都係第一次食，伊佐目油脂好正😋胺康魚肝好軟滑又好香😋北寄貝壽司係有驚喜！ 平時出面食會覺得得好普通，但呢到好爽口彈牙又大大片！ 柚子真鯛既配合亦好match！🔸 牛舌串燒 $38🔸 牛肋肉串燒 $38🔸 免治雞肉棒 $38🔸 鹽燒豚拖羅串燒 $28🔸 活海鰻串燒 $6
—————————————————————
今日早收工，約左呀媽去旺角行下街順便食個晚飯🤗 佢就話想食日本野，搵搵下就係朗豪坊附近見到左長阪燒既招牌，佢唔係位於地鋪，所以都幾隱世但其實又好方便，一於試下啦！
嘩，上到去真係俾佢個裝修驚豔左，好似帶左我番日本咁🤯吧台位仲可以見到好多當日新鮮日本直送既食材，d魚大條到呢，見到師傅真係會直接拎黎整壽司刺身，正！ 😛
🔸 Oyster Set 4隻 $118
成日話要食左生既野先食熟野，咁我地就首先叫左4隻生蠔過下癮先，隻隻都好fresh，有海水味又大隻！
🔸 伊佐目壽司 x2 $48
🔸 柚子真鯛壽司 x2 $38
🔸 北寄貝壽司 x2 $48
🔸 胺康魚肝壽司 x2 $48
食完生蠔就食壽司，我發現呢間野既壽司都幾抵食而且質素都好好🥳
伊佐目壽司同胺康魚肝壽司都係第一次食，伊佐目油脂好正😋胺康魚肝好軟滑又好香😋
北寄貝壽司係有驚喜！ 平時出面食會覺得得好普通，但呢到好爽口彈牙又大大片！ 柚子真鯛既配合亦好match！
🔸 牛舌串燒 $38
🔸 牛肋肉串燒 $38
🔸 免治雞肉棒 $38
🔸 鹽燒豚拖羅串燒 $28
🔸 活海鰻串燒 $68
🔸 醬燒海苔年糕 $28
串燒既部分都係師傅即場用火槍燒，上到台熱辣辣嫁！
牛舌厚度岩岩好，保留到肉汁😉
牛肋肉有咬口得黎又唔會太硬！
鹽燒豚拖羅肥瘦均勻，小小鹽已經帶出到個肉香😋
當中最推介既係活海鰻串燒，真係超正！！😍 個皮燒得勁脆，而且個肉質非常嫩滑又勁厚身，每一啖都係享受🥰
免治雞肉棒都好得意，佢會跟埋個雞蛋汁俾你點黎食😆
仲有醬燒海苔年糕，甜甜的軟軟的☺️
🔸 叉燒拉麵 $88
拉麵份量足，湯底夠濃！
💭Other comment:
睇得出呢間鋪頭店長好有心機經營，環境乾淨企理，食物質素佳，仲見到有自家製梅酒！可惜已經叫左2杯蘋果汁菠蘿汁就冇試到，下次黎再試下先！😆
🍽食物: 8.5 /10
🌌環境: 8.5/10
👔服務: 8.5/10
🎖CP值: 8/10
张贴
