燒肉King (已結業)

🚨高質燒肉🚨今日係附近做完嘢，打算食埋晚餐先返屋企。比我發現到呢間燒肉店，而且仲可以一個人食添。好彩早左少少到。坐低左無耐已經全場爆滿。叫左A4黑毛和牛胸前肉定食100g，另外加左一隻溫泉蛋。同牛油什菇。飲品叫左巨峰乳酸梳打。定食套餐會包埋一碗麵豉湯同一碗飯。和牛雖然未去到入口即溶嘅地步。但入口都充滿牛香味。我食牛無選擇點燒肉汁，而係點溫泉蛋，溫泉蛋半熟狀態，蛋味香濃。牛油什菇，份量絕對夠一個人食。牛油味勁香。輕輕地放係爐上面燒已經好好食。巨峰乳酸梳打，我自己覺得巨峰味唔夠出。但以呢個價錢套餐包埋。成餐飯性價比極高，絕對值得嚟試。