和匠日式燒肉店

营业中

休息中

最近天氣涼兩地想食返啲熱嘢，驚朋友介紹嚟到佐敦呢間燒肉小店一試。餐廳室內環境好有日本小店嘅風味，以簡約嘅木調為主，令人感覺舒適。食燒肉之前食返個蕃茄沙律打底，好喜歡沙律嘅黑醋汁，開胃得來又唔會好酸，能夠平衡到沙律菜嘅鮮甜爽脆。日本帆立貝黑松露蒜蓉牛油帆立貝好大粒好新鮮，喺燒嘅過程中見到蒜蓉牛油慢慢溶化，同黑松露醬混合，整個過程非常治癒。黑松露同埋牛油混合后，令帆立貝係鮮甜中更添惹味。燒肉點可以唔食牛呢，分吃試左美國牛小排同埋美國牛角切。店員教我哋用高溫將牛小排燒至血水慢慢滲出，再反另一面繼續燒。可以見到牛小排的紋理和油脂呈網狀均勻分佈。食落口牛小排嘅牛味香濃，推薦。至於牛角切，相對上油花比較豐富，所以會比起牛小排更添油香。大家可以因應自己嘅喜好選擇。呢度烤爐及抽油煙系統很不錯，食完燒肉不會全身都是燒烤味。