宮崎肉本舖 (已結業)

好耐無食燒肉放題喇，一食就要搵返間高質素嘅，今次嚟到銅鑼灣嘅宮崎肉本舖，餐廳裝修日式感覺，光猛整潔，坐窗口位仲可以望到維園景色，好舒服～今次午餐嚟食放題，揀咗$498 嘅「九州A5和牛特選放題」，可以任食多款肉類，包括九州A5和牛後腿肉，呢款肉真係回本位，油花靚，食落軟嫩，肉味香濃～另外嘅鹿兒島黑豚上肩肉都唔錯，肉質柔軟細膩，薄燒易熟～雞爽肉，揀咗鹽蔥醃味，非常爽口，肉質爽彈，不斷追加～～除咗肉類，有好多海鮮可以落單，廣島蠔用牛油香草煮好多汁鮮美～芝士帆立貝，香濃美味～兩款餃子熱辣辣飽滿足料好食～有黑松露香味～仲有部分放題單點，可以加錢揀靚肉食～食物種類仲有天婦羅，包羅萬有，十分滿足～