影片
更多
2023-03-24
117 浏览
「宮崎肉本舖」位於銅鑼灣糖街Sugar+，店舖位置在銅鑼灣核心地帶非常方便。在Sugar+ 的餐廳都是走中高檔路線，而這家餐廳亦不例外，主打A5宮崎和牛。今個周末就嘗試咗「九州A5和牛特選放題」，有九州A5和牛後腿肉，以及超過60款食材和飲品。$498/pp （+10%），限時90分鐘。餐廳面積不大，但座位都非常寬敞舒適，有卡位座更設有幾個獨立嘅小廂房，夠晒私隱適合2-3人，飽覽維園景色，淨係食個景都已經值回票價😅職員會先奉上一個頭盤，有A5和牛後腿肉、黑豚上肩肉、黑豚五花腩、雞腿肉和雞頸肉。之後仲有超過60款嘅食材飲品，包括各種燒肉食材和單品，飲品種類都唔少有梳打汽水、烏龍茶等。A5和牛後腿肉淨係睇個樣就知好食了，油花均勻，肉味香濃。後腿肉相對其他部位會比較少脂肪，但還是非常軟淋。其他肉類還可以選擇不同調味如柚子、鹽燒、辛口等。雞肉是來自日本的新潟縣產雞，雞肉味濃郁，最鍾意食雞頸肉，入口爽嫩彈牙。另外還有不同雞類食材供應，如雞肝、雞腎、雞心、雞冠、雞皮、免治雞肉串等。除了燒肉類，餐廳還提供多款熟食，例如餃子、吉列蠔、天婦羅、燒茄子，食物質素都比一般日式放題店為高。最後仲有非常好味嘅自
「宮崎肉本舖」位於銅鑼灣糖街Sugar+，店舖位置在銅鑼灣核心地帶非常方便。在Sugar+ 的餐廳都是走中高檔路線，而這家餐廳亦不例外，主打A5宮崎和牛。
今個周末就嘗試咗「九州A5和牛特選放題」，有九州A5和牛後腿肉，以及超過60款食材和飲品。$498/pp （+10%），限時90分鐘。餐廳面積不大，但座位都非常寬敞舒適，有卡位座更設有幾個獨立嘅小廂房，夠晒私隱適合2-3人，飽覽維園景色，淨係食個景都已經值回票價😅
職員會先奉上一個頭盤，有A5和牛後腿肉、黑豚上肩肉、黑豚五花腩、雞腿肉和雞頸肉。
之後仲有超過60款嘅食材飲品，包括各種燒肉食材和單品，飲品種類都唔少有梳打汽水、烏龍茶等。
A5和牛後腿肉淨係睇個樣就知好食了，油花均勻，肉味香濃。後腿肉相對其他部位會比較少脂肪，但還是非常軟淋。
其他肉類還可以選擇不同調味如柚子、鹽燒、辛口等。雞肉是來自日本的新潟縣產雞，雞肉味濃郁，最鍾意食雞頸肉，入口爽嫩彈牙。
另外還有不同雞類食材供應，如雞肝、雞腎、雞心、雞冠、雞皮、免治雞肉串等。
除了燒肉類，餐廳還提供多款熟食，例如餃子、吉列蠔、天婦羅、燒茄子，食物質素都比一般日式放題店為高。
最後仲有非常好味嘅自家製雪糕和3.6牛乳奶凍，必食推薦，記得留番個肚食甜品😆
不過90分鐘放題真係非常之趕，如果可以多番半個鐘就會好好多。基本上連每樣食一次嘅時間都唔足夠，亦冇時間encore，下次一於直上有120分鐘嘅放題套餐😤
张贴
