響 - Hibiki 日本燒肉 (已結業)

燒肉放題在香港有很多，但有質素的就很少，上網見到有一間澳洲和牛既燒肉放題，就梗係要約埋一班大胃王試吓啦！位於佐敦既響，餐廳裝修好新，座位很闊落，好在有訂位，能坐到沙發，平日早段時間都爆滿。飲品除咗一般韓式飲品外，還有紅白酒任飲，亦有梅酒，清酒任飲！飲品上餐廳都落重本！雪糕亦用上movenpick和限量支裝dreyers 雪糕。頭輪先會送上刺身、燒肉和海鮮拼盤！馬糞海膽甘香，油甘魚，三文魚新鮮肥美！生蠔有淡淡海水味，很容易入口主角燒肉拼盤，和牛不算太肥，很重牛味，自己落少少岩鹽、黑椒已非常惹味！重點推介和牛腔腹，雖然無限量任叫，但質量亦保持到！另外亦有少有既喜之次魚，很重魚油香！平時一條喜之次魚已百多元！長腳蟹肉實，燒完很香口！以收費四百多元一位，可以無限量任點和牛，長腳蟹等質素高的食物，已相當不錯👍