德家日式燒肉店 (已結業)

好耐冇食燒肉放題啦，朋友介紹咗呢間燒肉店覺得性價比幾高所以即刻趁放假嚟試吓。喺抗疫措施方面做得好好，唔單止每張枱之間有隔板夾住仲要隔得好高添！自助區有打邊爐嘅食材，仲有一啲開胃小食例如螺肉中華沙律粟米等等。如果燒肉唔夠飽可以打埋邊爐。嘢飲方面選擇都好多，有三個飲品櫃，其中一個有好多自家製嘅水果茶，雖然唔係新鮮水果而係用茶包代替，但係比起出面好多嘅放題店已經好有誠意，唔係度度都有👍🏻值得一讚仲有Hoegarden Rose生啤任飲，岩晒我朋友！首先一坐低，店員就會送上一碟牛肉，有好多唔同嘅部位、同埋一盤海鮮、刺身，食完之後再數QR code落單encore！食物嘅種類都算多，有齊晒想食嘅嘢，始終主角仍然係肉同海鮮，而全部野都好新鮮，作為牛肉愛好者，食咗超多牛，好高質。最後當然唔少得甜品，甜品就普普通通，仲有雪糕，不過都唔係太食得落，總括嚟講呢一餐真係好滿足。