八拾台式串燒 (已搬遷) 新店位置

上星期見到砵蘭街開咗間新嘅台式燒烤店，今日就約埋朋友嚟食。入到去，成個環境乾淨，每張枱都有個串燒保暖嘅盤，唔怕食物灘到凍👍🏻我同朋友叫咗啲串燒，一個麻辣鴨血同埋台式肉燥飯。豆皮咬落去先發現原來內有乾坤，係超惹味嘅蒜蓉同埋蔥。五花肉切得夠薄，食落有小小脆又唔太膩。雞軟骨外酥內脆，加埋少少椒鹽，送酒一流。羊肉串每一啖肉都係用咗羊肉最肥美嘅部份，食落羊味夠重，回味無窮。花枝墨魚丸。外面有啲孜然粉，食落香口又夠彈牙😋台式肉燥飯分量充足，味道濃郁😆成餐飯最正就係麻辣鴨血湯麵，個湯底夠濃又夠辣，浸住啲鴨血黎食超級香，本來以為得幾塊鴨血，點知魚腐下低仲有幾塊鴨血，抵食又好味🤤