牛極 (好順利大廈) (已結業)

昨日去到元朗搵食，見到呢間熱石焼肉店，心想應該同日本的有好大距離，不過見好耐冇試過，就試一下香港版如何。入到去當然見到的不是日本女侍應，而係香港地道阿姐（港姐）。雖然係港姐，但服務態度認真熱誠。仲介紹左好幾款牛肉過我，抵讃！最後我叫了牛肩肉。主角上枱，熱度十足。我怕d牛過熟，所以立即切開牛排成小塊。牛排賣相不錯。心想平價牛，不要太高要求...誰知食落...wa...好鬆軟，有牛味有口感，高質享受。如果唔知，以為食緊酒店牛排。十分正。主角雖好亦要綠葉陪藽。呢度除左牛肉靚，前菜沙律bar 及任飲牛肉湯亦令我十分欣賞。牛肉湯香濃。唯一不足是任食食品款式選擇較少，但亦推介一試！