SupBurwich (已結業)

在等朋友下班時見到依間熱狗外賣店在內街最裡面，店面雖然不太顯眼但食物卻很高質我揀咗熱狗和漢堡再加咗個小食。平日放工時間到，即叫即整等咗大概10分鐘就有。黑松露醬和熱狗分開打包，熱狗的包外脆內軟，熱狗腸下面舖咗大量洋蔥，經烹製後的洋蔥沒有辛辣感帶微甜，整體口感層次分明十分夾最驚喜是黑松露醬店長話蟹肉都是手拆蟹肉再混入黑松露醬中，醬料中的蟹肉和黑松露多到令成個醬料變得很濃稠。夾埋黑松露醬今到成個熱狗增添不少香味，先是黑松露香氣後再爆發出蟹肉嘅鮮味，呢個配搭十分夾炸甜番薯條都係唔可以錯過，香甜番薯加上香脆口感，真係食唔停朋友的芝士手打牛堡都十分juicy，估唔到等放工都搵到寶