Cakebearbear (已結業)

最近去左炮台山呢間以熊仔為主題既餐廳，聽朋友講佢本身係蛋糕店再發展到變左餐廳，於是來品嘗下裝修超級有心思，少女心十足。仲有商場出面既位置，岩哂有寵物既朋友都可以有位坐。佈置和燈光都令人感到舒服。至於Menu係Q版既設計，同埋餐點種類多。主要係日式同埋西式餐點，招牌熊仔系列甜品都好吸引呀。飲品方面，揀左呢杯千語星晨，熊仔冰係蝶豆花製成，裡面係橙汁同埋菠蘿汁，十分清新。主食方面，選擇左美國肩胛牛小排配薯菜，份量不錯。首先係有大大舊厚切既薯角，外脆內軟，火候處理得好好，濕度適中。調味都唔錯，仲可以點茄汁。配菜沙律都好新鮮！翠玉瓜有口感，外脆得黎水份仍然保持到。牛扒方面，肉質鮮嫩而且厚實，醬汁都好惹味。最後係睡眠熊芝士蛋糕，呢個絕對係必點之選，因為除左造型超級可愛，味道都相當唔錯。熊仔係乳酪芝士蛋糕，香濃得黎又唔會膩。總括而言，呢間新開既熊仔cafe真係值得一試，特別係個甜品真係超高質，下次再黎試下其他野！