燒肉牛蔵 (已結業)

放假去食好嘢，搵到呢間無限時嘅燒肉放題店，仲要係有得食日本黑毛和牛，勁正勁抵，啱晒我同男朋友兩個牛魔王。一坐低首先食咗啲刺身，我哋食咗油甘魚、吞拿魚、三文魚、甜蝦，全部都新鮮，質素唔錯。我哋仲試咗火焰海膽玻璃蝦壽司同埋帶子壽司，其中帶子壽司好正，大大粒帶子，新鮮又鮮甜，之後我哋有再encore😋跟住就開始食燒肉，我哋專攻日本和牛😆我哋食咗幾round日本和牛肉眼😋，油脂豐富，牛味濃郁，肉質未知等於入口即溶，但係完全冇渣冇筋👍🏻牛舌片厚度適中，爽得來唔會硬，咬下咬下仲有好多肉汁添😍其他肉類我哋仲試咗羊安、米澤豚西冷，我就覺得普普通通，都係和牛好食啲😆海鮮方面，我哋就食咗大扇貝、大蝦、多春魚。其中最鍾意大扇貝，連殼嘅扇貝放咗粒牛油，放喺鐵網上面燒，唔睇住啲汁吱吱聲，又香又鮮味😋熟食方面，我哋叫咗炸大蝦、炸榴槤波波、免治雞肉棒，炸物都唔錯👍🏻炸蝦粉唔會厚，外脆內嫩😋榴槤波波香脆煙韌，齒頰留香😍免治雞肉棒啖啖肉，而且有少少雞軟骨，口感豐富。食咗咁多肉都要食啲蔬菜，我就鍾意食呢個雜菜豆腐粉絲鍋，可以解解燒肉嘅油膩，佢果湯仲幾好飲，甜甜地嘅日本醬油味👍🏻仲有牛油金菇同埋炒雜菇都好好味，有錫紙兜裝住