尚鮮海鮮料理

营业中

休息中

今日老公嚟接我放工話帶我去食好西！佢帶我嚟到佐敦吳蚣街幸福商業大厦，坦白講， 呢度真係一d都唔起眼，稍一不慎好易行過龍。「尚鮮」位於吳蚣街幸福商業大厦1樓，距離佐敦地鐵站A出口大約4分鐘路程。上到去，餐廳面積唔算好大，但坐得幾舒服，而且集私房菜、串燒、海鮮&火鍋等選擇⋯最後我哋決定都係打邊爐！養生の湯 – 蟲草花花膠燉雞湯一上枱，店員好耐心向我哋介紹呢個湯，原來呢個湯係限量發售，每日只做幾個，由於我哋入座時間較早，客人唔多，所以我哋有幸品嚐到。呢個湯滋補養顏，色澤呈橙黃色、澄澈透明，味道清香…再嚐啖湯，湯味鮮甜可口，而且好有屋企媽咪煲嘅味道，真係忍唔住飲多幾碗！飲完湯，我已經飽咗一半，非常滿足！所以火鍋配料都冇叫太多。手切安格斯呢個真係好有驚喜，牛脂分佈平均，牛肉肉質腍而口感嫩滑，咬落牛脂香濃，而且牛味出眾，必叫之選！鮮打四寶丸四寶丸包括牛丸、豬肉丸、墨魚丸同蝦丸。每款丸都各有特色⋯當中，我哋覺得最好食嘅係牛丸、豬肉丸同蝦丸！牛丸同豬肉丸都肉味香濃，彈牙；而蝦丸就鮮味彈牙有韌性，每款都相當出色。脆肉鯇肉質爽脆，且啖啖肉，唔多骨，又唔腥，好啱平時食魚怕腥嘅我😅總括而言，呢度嘅出品好好，樣